Posted by Abbas Hünbətov
Posted on September 02, 2017
Hörmətli həmvətənlər, əziz idmançılar, sizləri müsəlmanların müqəddəs Qurban Bayramı münasibətilə Azərbaycan Sindo-ryu və Pencak silat Federasiyası adından təbrik edirik.
Bu gün dinimizin ən çox sevilən bayramlarından biri, insanların Allah yolunda ruzilərinə şükür məqsədilə kəsdikləri qurbanların, dünya müsəlmanlarının birləşdiyi bir bayram - Qurban Bayramıdır.
Qurban Bayramı bərəkətimizin, ruzimizin Allaha şükür məqsədilə kəsilən qurbanların tərənnümüdür.
Bu bayramda insanlar daha yaxın olar, bayram vasitəsi ilə insanlar Allah ruzisindən faydalana bilməyənlərlə bayram payını paylaşır.
Özündə İslami dəyərləri də daşıyan, daha çox müsəlman ölkələrində yayılan və populyarlıq qazanan sindo-ryu və pencak silat idman növlərini özündə daşıyan Azərbaycan Sindo-ryu və Pencak silat Federasiyası üçün bu Bayram xüsusi önəm daşıyır. Ümid edir və inanırıq ki, uca Allah xalqımızın dualarını eşidəcək və bizlər növbəti bayramı işğal olunmuş Qarabağımızda qeyd edəcəyik.
Allah kəsdiyiniz Qurbanları qəbul etsin, bu qurban ruzinizin, bərəkətinizin daha da çoxalmasına səbəb olsun.
Hörmətlə Sindo-ryu və Pençak silat federasiyasının Prezidenti
Ceyhun Əşrəfov
AZ
EN
